Kãtrzëno
| Wòjewództwò | pòmòrsczé |
| Kréz | wejrowsczi |
| Gmina | Lëniô |
| Szôłtëstwò | Kãtrzëno |
| Szôłtës | Jack Grzenkòwicz |
| Pòłożenié | 54° 29' N 17° 56' E |
| Lëdztwò - lëczba lëdzy |
404 |
| Czérënkòwi numer (do 2005) |
58 |
| Pòcztowi kòd | 84-223 Lëniô |
| Registracëjowé tôflë | GWE |
Pòłożenié na kôrce Pòlsczi   Kãtrzëno | |
Kãtrzëno (pl. Kętrzyno) - szôłtëskô wies w nordowò-zôpadnym dzélu gminë Lëniô kòle przedwòjnowi pòlskò-miemiecczi greńcë. Je to tipicznô gbùrskô wies. Pòzwa wsë wëchôdô òd miona Kãtra abò Kãtrza.
Historiô[edicëjô | editëjë zdrój]
Pierszé wiadło ò Kãtrzënie je z 1360 rokù. W dokùmeńtach z kùńca 16. stalatégò je Sulislaff von Kantrsin, bòdôj protoplasta familie Kãtrzińsczich. W 2. pòł. 16. stalatégò miéwcama wsë bëlë trzej Kãtrzińsczi a téż Żelazkò. W 1872 rokù w Kãtrzënie mieszkało 322 lëdzy, w wikszoscë pankòwie, a wies słëcha do parafié w Rozłazënie. Pòd kùńc 19. stalatégò Kãtrzëno stało sã sedzbą gromadzczich wëszëznów. Òd 1920 rokù dzãka dzyrskòscë mieszkeńców Kãtrzëno bëło sparłãczoné z pòlsczim państwã, równak greńca òddzelëła wies òd kòscoła w Rozłazënie. W gromicznikù 1945 rokù przez wies bëła prowadzoné ewakùacja lagrowëch kòncentracyjnégò lagru Stutthof. Na wdôr ùmarłëch i zabitëch lagrowëch je pòstawiony pamiątkòwô tôfla.
-
Łączi kòl Kãtrzëna -
Rozmajitoscë[edicëjô | editëjë zdrój]
Ò Kãtrzënie pisôł w swòjim pòémace "Ò Panu Czôrlińsczim co do Pùcka pò sécë jachôł" Heronim Derdowsczi :
"Wnet téż do wsë przëbëlësmë, co sã Kãtrzën zowie,
Gdze, jak wiész, le sama szlachta mieszkô i panowie.
Richt tam w ni sã zaczinało ò ósmi gòdzënie
W domù pana Dąbrowsczégò wiôldżé zgromadzenié;
Bò wej, miała miedzë sobą szlachta òbradowac,
Kògò pózni do Berlina na pòsła welowac.
Wiãc tam bëlë z całëch Kaszub bracô pòzjachany,
Wszãdë we wsë przed płotama bëło pełno sani."
Bùtnowé lënczi[edicëjô | editëjë zdrój]
W Kãtrzënie stoji szlachòta Wëkrëkùsa - Dëcha ze szlachù "Pòczuj Kaszëbsczégò Dëcha" w gminie Lëniô.
|
Gmina Lëniô |
|---|---|
|
Sëdzba wëszëznów gminë:
Lëniô
|